ok

ქიმიური ტექნოლოგიისა და მეტალურგიის ფაკულტეტი საქართველოს ტექნიკური უნივერსიტეტის ერთ-ერთი ძირძველი ფაკულტეტია, რომელიც მთლიანად განკარგავს ორ სასწავლო კორპუსს.

აქვე განლაგებულია თანამედროვე სპორტული დარბაზი და სტუ-ს თეატრ-სტუდია, სადაც სტუდენტები სწავლის პარალელურად აქტიურად მონაწილეობენ სპორტულ და კულტურულ ღონისძიებებში.

ფაკულტეტზე ფუნქციონირებს სასწავლო-სამეცნიერო ბიბლიოთეკა თავისი სამკითხველო დარბაზით.

ფაკულტეტი აქტიურად თანამშრომლობს საზღვარგარეთის წამყვან უმაღლეს სასწავლებლებთან და წარმატებით ახორციელებს გაცვლით პროგრამებს.

ბაზრის მოთხოვნილებებიდან გამომდინარე ფაკულტეტს გაფორმებული აქვს ურთიერთთანამშრომლობის მრავალი მემორანდუმი ქიმიურ და მეტალურგიულ საწარმოებსა და ფარმაცევტულ ფირმებთან, რაც ითვალისწინებს პრაქტიკის გავლას და კურსდამთავრებულთა დასაქმებას.